LA ROJA, LA HOJA Y LOS DOS TOMATES

Mezua etorri zaigu. 

Gaia: "La Roja". Testurik ez.

Erantsitako agirian, eskumaldeko iruditxo hau, besterik gabe.

Azken aldiko buruko batzuk testuratzen animatu gaitu horrek eta erantzuna horra hor:

Ja, ja, la roja

me la trae floja!

Ja, ja, la roja

me la trae floja!

Ya tenemos canción del verano.

Bide batez ...

Y, ¿a gran parte de la masa roja+blanca que pitaba al himno de España en el Calderón (por otra parte, descomponiendo a gran parte de los que salían con la camiseta roja+blanca, pero que en la foto de despúes del partido aparecen sin quitarse la medallita roja+amarilla,...)? ¿Se la traerá floja la roja?

Probablemente aplaudan los goles de "la sele" vistos en el txoko o en la tele, ¿verdad?

Es curioso todo el asunto este de las banderas, colores, masas,... sí.

¿A la gente que nos enviaban pines rojos+blancos con formato de "la hoja" de la Dipu y nos pasaban entradas para ir a San Mamés a ver la pantalla de "sin-pa"? ¿La hoja nos la trae floja?.

Antes de alargarnos demasiado (hay que producir :-)!... a ver qué os parece el tema de este blog:  http://laverdaddeldeporte.blogspot.com.es/

pd: y para hojas y rojos, me quedo con los tomates: echad un ojo a este video:

http://in-fluyendo.blogspot.com.es/2012/06/dos-tomates-y-dos-destinos.html

  Ondo bizi,

Eleder BuM (Bilbao underground Mayor)
www.burumapak.blogspot.com (Basque)   @Eleder_BuM  (Twitter)

www.in-fluyendo.blogspot.com (Sp) www.flowandshow.blogspot.com (En)

BFAn espazioa irekitzen

Garai biziak, garai mugituak, garai aldakorrak,...

Zuen laneko ardurapean ba al dira konpondu edo bideratu beharreko arazoak? Arazo konplexuak eta laster konpondu behar genituzkeenak? Konponbiderako pertsona talde anitza behar genuke buruari eragiten eta gogotsu, bai? Gainera konponbidean garrantzitsuak diren pertsona horietako batzuen artean ikamikak, ezin-ikusiak, komunikazio arazoak, gatazkak? Balio ezinbestekoa duen jende pasiodun ugari artean, ez da? Sua pizteko moduko pasio maila sarri?

Asko dira horrelako egoerak lan munduan eta zaila izan ohi da horiei heltzea. Hori dela eta geroko gerotan utzi ohi ditugu, edo partzialki heltzen diegu...

Beste zerbait probatu nahi? Saia gaitezen Espazio Irekiko Teknologiaz, antolakunde anitzetan arrakastaz erabili izan den bilera parte-hartzaile eta sormentsuak burutzeko metodoaz. Talde txikietan erabiltzeko modukoa zein oso handietan (2000 artekoak).

Zorionez Aldundiko Ekonomi Sustapen Sailean badugu metodo horretan fazilitadore ibili izan garen lantalde ahaltsu bat. Eta zuei laguntza emateko gogoz gaude. Aprobetxa dezagun!

Zaudeten sailean zaudetela, Aldundi barruan zein kanpoko zuen ardurapeko esparruetan Espazio Irekikoak antolatu nahi badituzue, hemen gaituzue zuen zerbitzurako.

Kontaktua: Eleder Aurtenetxe Pildain (8113 tel)


Hemen Espazio Irekiari buruzko informazio gehiago (artikuluak eta bideoak barne): http://burumapak.blogspot.com.es/2012/05/zer-da-espazio-irekia-espazio-irekiko.html

Zeure esanetara :-)!

"Kaixo, el proximo miércoles dia 21 tiene lugar una charla en la que interviene el Diputado, sobre la salida de la crisis economica . Seria interesante que pudiera asisitir el mayor numero de gente posible del departamento, Asi que os ruego que activeis la invitacion entre la gente de vuestros servicios correspondientes.

Un saludo"

Lehengunean jasoa. Buru-buruek, erdiko buruei, erdiko buruek euren agintepekoei.

Zer dela eta ez zuzen-zuzenean?

.l

ANTZERKIAN PARTE: OPOSIZIOKO AZTERKETAN IDATZI ETA IRAKURRIA (2011ko iraila aldean)

2011n antolaketa teknikariak aukeratzeko oposizioa izan dugu BFAn. Prozesu ustela zela idatzi izan dugu blog honetan (begira oposizioak etiketapean idatzitakoak). Gogo gutxi horrelako prozesuen bitartez aukeratzen duen erakunde publiko batean lehiatzeko, baina zerbait egin nahi...

Azkenean  aurkeztea erabaki genuen. Lehenengo azterketan "1.El estado 2. Gestión por proyectos eta 3. (?? , ahaztuta) "gaiak jarri zizkiguten 4 ordutan-edo idatziz garatzeko.

Guk buru-mapa arin bat egin eta bat-batean idatzi genuena hemen duzu irakurgai, azken finean azterketa ustela zela salatzeko... https://docs.google.com/viewer?a=v&pid=sites&srcid=ZGVmYXVsdGRvbWFpbnxlbGVkZXJidW18Z3g6Njg2MzA0OTc2ZDg2NTZlMA&pli=1

Zerbait eragiten du honek guztiak? Tximeleta hegoak astintzen, beharbada?

Ondo izan,

Eleder

IZAN ALA EZ IZAN?

Laster (irailaren 13an, antza) antolaketa tekinkarientzako oposizioetako lehenengo azterketa dugu BFAn. Prozesu hau (eta antzeko beste asko), eta horrek dakarren funtzionario ibiltzeko moldea ilun samarra egiten zaigunez baina alde onak ere badituela pentsatuta, opari bat egitea erabaki dugu: azterketa horretan, BFAren antolaketari buruzko azterketa eta proposamenak (buru-mapa baterako gai polita) botako ditugula idatzian. Galdetzen digutenari jaramonik gehiegi egin barik, garena eta garen neurrikoak onartuta egin dezakegun tesirik handiena egiteko ilusioaz..

Gogorra izan behar da epaimahaiko izan eta bata bestearen atzean horrenbeste berdinkeria entzutea, ez da? Eta, txiripaz hau ere, bertan lagun zahar ugari suertatu direnez, abegi onekoa izan behar :-)!

Beraz, oposizioaldi honetan kanpo geratuko gara postuetatik eta zerrendatik. Orain betetzen dugun aldi baterako plaza, "jabea" itzuli arte dagokigu, dirudienez. Orduan postuari agur, eta diputatu postura gero, beharbada, hori dabil eta zurru-murru :-)!

Eta bitartean, ume-zaintzarako jarduna (eta soldata) %50ean murriztekotan, hori urrian hasita edo.

Izan ala ez izan?

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

FUNTZIOBA

Duela urtebete inguru ekin genion blog honetan idazteari.

Gaur kolorez aldatu dugu. Lehengo hondo-baltzetik, larrosara pasa gara.

Agerira ere ekarriko dugu. Orain arte oso lurrazpikoa genuen hau zabaldu gura dogu.

Lankide biri ere esana diogu jada. Bertan Bizkaiko Foru Aldundian funtzionario lanean ibiltzeak eragindako batzuk eta BFAn hobekuntzak eragiteko gogoz idatziak batu eta batuko ditugu.

Kolore aldaketarekin batera aldarte aldaketa ekarri nahi dogu aurrerantzean.

Esan dezagun "dolualdia" pasa dogula jada. Duela urtebete sartu gara (bigarren aldiz) hemen lanean baina, aitortzen dugu!, sumindura puntu bat genekarrela aurreko esperientziatik eta oposizioaren inguruan bizitakoetatik. Sumindura erakundearekin eta funtzionaritzarekin, baina geure buruarekin ere bai, eraldaketa gutxi eragin izan dugulako eta erosokeria/bildurraren eremuaren gozo-zozoan erdi-lo geratu garelako sarri.

Aurrera begirako erronka batzuk, blog honi gagozkiola: bertan jarritakoak publiko hutsak izatea; konponbideetan zentratzea, sumindura puntua arinduta; garenarekiko "B" aldea izan ordez osotasunean jardutea,... ondo pasatuz!


Une batez, eraldaketaren ikur, izena ere aldatzea bururatu zaigu: "funtziona"tik FUNTZIOBAra (funtzio-hobea edo,... funtziobakoak/obabakoak?), baina, ze arraio! Doluak aitortuta eta dolu horien frogak agerian; geure hutsak bertan zuri-baltzean utzita eta zuzenketak egiteko prest; argi eta itzal; euskera batua eta bizkaiera, zuzena eta okerragoa nahasean (euskera osoa maite dogu, bai ? :-),... kontu osoagoa izango dela begitandu jaku atzenean,...

Ondo bizi!

Eleder BuM31    Mind Mapping-Open Space Technology-Creativity

www.burumapak.blogspot.com (eus)   @Eleder_BuM  (Twitter)
www.in-fluyendo.blogspot.com (esp)   www.flowandshow.blogspot.com

pd: hau idazten ari garela, Paul Foreman handiaren post hau heldu zaigu: Drawing the line of forgiveness.

IGARLEARENAK: 2010eko ANTOLAKETA TEKNIKARIEN OPOSIZIOA BFAn (V)

Ia ia betean asmatu genuen. Aurreko udan atera genituen esklusibaz Bizkaiko Foru Aldundiko antolaketa teknikarientzako oposizioaren gaiak. Oraindik ez zegoen publikoki deituta, eta beraz, igarlea hiper-boteretsua izan beharko luke gizakiak han ezer asmatzeko. Orain dela aste pare bat txiripaz jakin dut badatorrela oposizio hori. Deialdia BAOeko 2011ko otsailaren 25eko BAO. 39. zenbakian argitaratu da. Gai-zerrendak begiratu eta alderatu ditut.

Oker ez banago, gai guztiak asmatu genituen bete-betean gure igarpenean . Alde bakarra: gure igarpenaren 27. gaia kendu dute eta beraz, benetako gaien 27. gaitik aurrera zenbaki dantza txiki hori dago (guk 28.tzat jotzen genuena 27.a da benetan,...). Hori kenduta, berdin-berdina dirudi. Igarle onak, ez da? ;-)!

Oposizioko benetako gaiak, Bizkaiko Aldizkari Ofizialean (2011ko negu bukaeran argitaratuak; gaiak 5605. orrialdean hasita): lotura honetan, goialdeko B.O.B loturan joz gero.

Guk egindako iragarpeneko gaiak, hiru zatitan (2010eko udan argitaratuak):

• 1. zatia: http://funtziona.blogspot.com/2010/08/2010eko-antolaket-teknikarien-oposizioa.html
• 2. zatia: http://funtziona.blogspot.com/2010/08/2010eko-antolaket-teknikarien-oposizioa_11.html
• 3. zatia: http://funtziona.blogspot.com/2010/08/2010eko-antolaket-teknikarien-oposizioa_7912.html

Ezagun batek, oposizioa badatorrela esan nion. Egun batzuk garrenean berak: "plaza horiek izen-abizenak dituzte eta!". Nik "bai, zeintzuk?". Igarriko ote du?

Bitartean hausnartzeko...

• Nortzuk eta noiztik dakite zer gai galdetu behar zituzten?
• Nortzuk egin dute gai zerrenda? Nork zabaltzen du?
• Hau guztia zilegi al da? Zer egin daiteke hau geldiarazteko? Ala, jende askori entzuten zaionari jaramon egin "ba, hor ez dago zer eginik, utzi kontua lasai!" eta axolagabekeria itogarri honetan jarraitu?
• ...

Nik neuk zerbait egin nahi dut honen aurrean, idatzi xume hau gutxienez, ezer handirik mugituko ez dalako susmoan, eta bertan energia gehiegi xahutu nahi barik. Besteak beste, "legeen" bildur,... Dena den, elkar-lanean arituz gero beste zerbait izan zitekeen hau dena. Animatzen?

....Ondo bizi!

Eleder