Zapiak erantzita. Zorionak!

 Eskuzko zirriborroa igandean (2024-4-28) Mundakan.

(guretzat berdin dira  

astea eta jaia

lana bihurtzen dugu  

kantatzeko gaia)

***************************

Bai, aurreko barikuan (2024-4-26) ikusi dogu!

Espainiako Erregearen gizonezkoen 

futboleko finalaren (2024-4-6)

aurretik eta ondoren han eskegita izan eta gero luzaro,

(Elixabete Etxanobe Landajuela Ahaldun Nagusiak 

berak aginduta eta legez kanpo?) 

kendu dabez zapiek jauregitik!!!

Balkoietatik eskegita izan dabez han, 

guztiz ondo ez dakigula zergatik,

trapu zuri-gorri pilo bat.

Azaldu genion aurreko astean Eliri gutun ireki erregistratuan, eta eskatu lehen bait lehen kentzeko, eta bete dabe, zorionak! Murriztuz: zer egin ahal dogu hor beheko zapi horiek (Espainia, EAE, EB) ere kentzeko behingoz? Sobera goi-goiko ikurragaz;-)!

(Imanol Pradalesenean ere bai, gaur -2024-4-30-, azken izan dira zapiak eranzten.

Athletic-zaleenak? Nagienak? Propagandistenak?).

  Asteburuan lagun batek esanda jakin dogu, arraunean egin ei zuen Imanol gureak Soteragaz, gabarra egunean (2024-4-11), EAEko lehendakarigai izanda kanpainako ekitaldi aurrikusitakoak albo batera utzita. Baietsiz hori izan duela EAJ-PNVk, Espainiako-Erregearen-gizonezkoen-futboleko-Kopa-finala eta Athletic, kanpaina lotsabakoaren ardatz nagusietakoa? Eta BFA, Bilboko Udala, eta alboko hainbat erakundetxo, denak  "komunikazio" azpi-kanpainan bat eginda, Alderdiaren interesen bila erakunde publikoak erabiliz?. 

Latza, gero, pentsatzea oso ezberdina gertatuko litzateke ezer, EH-Bildu bat egon izan balitz BFAko arduran? Apenas. Mundakoko plazan bertan, han be, EH-Bildu alkatetzan, eta finala ikusteko pantaila erraldoia! Bilboko Areatzako EH-Bilduren egoitzan be, berandu eta astebete inguruz, Athletic-en zapiak nagusi,... Badirudi beldurrak jota

Argi dago, herritarrok gure bidetik egin behar dogu, alderdi politikoen botere ilusio horretatik beste, ahalik eta gutxien kaltetu gaitzaten, behintzat.

Eta zapien kontu honetan bezala, danean aurre egin. 

Ari gara, bai, sistema eraldatzen.

Eskerrik asko, Eli, ba. Zapiak kentzea erreza zan, baina egin egin dozue. Orain. falta zaiguna, garrantzitsuagoa, gainerako galderei erantzungo diguzu, mesedez, lehen bait lehen? 

• Ze balantze egiten dogu, propaganda kanpaina horren ostean?
• Prest gaude etapa hau (propaganda, marketing, "komunikazio" kontu horiek guztien mirabetza; burujatetza) atzean utzi eta benetako gaiei buruzko elkarrizketa zabaletan hasteko?

Izan uros,

ge

ps. Propaganda dugu nagusi, bai, gaurko politikari "handien" eta administrazioaren jardunean. Burujatetza. Horren aurrean pentsmendu kritikoa indartu behar dugu eta gehiago erabili. Hortik sormena.

Ikasi dezagun gehiago, ba, propagandaren mekanismoei buruz. Esaterako, hemen Nicolás Martinez Lage-ren lezio batzuk, oso interesgarriak: